-
ককচিং গার্দন
ককচিংগী খা থংবা মায়কৈদা সেকমাই তুরেলগী তোর্বানদা লৈবা উয়োক চীংদা ককচিং গার্দন্না মনিপুরগী মফম কয়াদগী লোয়ন-লোয়ন্না ইন্দিয়া অমদি মপান লমগী লমকোয়বাশিংবু মফম অসিনা মীৎয়েং চীংশিলহল্লি । মফম অসি লমকোয়ফম ওইবগী মথক্তা কাঙলুপ কয়া অমগী লাইনিং লাইশোন, লোন, চৎনবী কয়া অমগী তিন্নফম পুন্ফমসু ওইরিবনি ।
-
সুগুনু
মফম অসি ইম্ফালদগী খা মায়কৈরোমদা কিমিঃ ৭৪ চৎলগা লৈবা দিস্ত্রিক অসিগী ললোন লিতিক্কী য়াম্না মরু ওইবা মফম অমনি । মফম অসিদগী ইম্ফাল তুরেলগী ফজরাবা মীৎয়েংফমসু ওই । মসি ইম্ফাল সুগুনু স্টেট হাইৱেদা লৈবা মফম অমনি ।
-
ককচিং
ককচিংদা দিস্ত্রিক্ট অসিগী দিস্ত্রিক্ট হেদক্বাটরস ওই লোয়ন-লোয়ন্না মফম অসি ললোন-লিতিক তৌবগী য়াম্না মরু ওইবা অমদি মনা মশিং, ঙা, চেংনচিংবা মরাং কাইনা ফংবা খ্বাইদগী চাওবা দিস্ত্রিক্ট অসিগী তাউন অমনি । মফম অসি নেসনেল হায়ৱেদগী য়াম্না লায়না য়ৌবা য়াই অমসুং অতোপ্পা স্টেট হায়ৱেগসু শমনৈ ।
-
পল্লেল
মফম অসি ককচিং দিস্ত্রিক্ট অমদি চান্দেল দিস্ত্রিক্ট অনিগী তম অমদি চীংগী তাইনফম্নি । ইম্ফালদগী মোরে ফাওবা চৎলিবা ইন্দো-ম্যানমার রোদনা মফম অসি ফাওদুনা চৎলি । মফম অসিগী চীং, তম অমদি তুরেল্নচিংবা য়েংবদা পুক্নিং হুনিংঙাই ওই । পল্লেলগী কৈথেলদা চীংমীশিংনা পুথোক্পা মনা-মশিং অমদি খুৎশাগী ওইবা পোথোকশিং মরাং কায়না ফংই ।
